|
محتاجلك قوي , لكن انا عارف إني اللي عملت كل ده , محتاجلك عشان فقت خلاص , محتاجلك عشان كل حاجة دلوقتي اتعدلت , لكن عارف إني ما إدتكيش عمري إحساس إن كل حاجة بعد ما تتعدل ممكن تستقر .. عارف إن كل حاجة إنتهت , وبموت لما بفكر في كدة , بفتكر كلامك , لا تبكي على اللبن المسكوب , حاول تتأقلم يا احمد , يا أحمد لازم تقتنع ان كل حاجة انتهت , يا احمد خلاص مش هينفع , يا أحمد إنت لسه فيك تاني ....بس أحمد كان قاللك في يوم من الأيام , مش هيقدر يسيبك حتى لو إنتي عاوزة كدة , أهو دلوقتي إنتي عاوزة كدة فعلاً , وهو فعلاً مش قادر يسيبك , كل اللي بيجاهد عشان يعمله , إنه ما يصدعكيش أكتر من كدة , وإنه ما يتعبكيش أكتر ... بس محتاجلك قوي .... إنتي كنتي ولسه برضه كل حاجة !!! محتاجلك جنبي تسنديني عشان أواجه كل حاجة محتاجلك ورايا تقويني إني ما أسيبش المعركة وأمشي عشان ماحدش يلمس اللي ورايا محتاجلك أناديلك أحكيلك أسمع منك وأشكيلك محتاج عنيكي تصبرني على كل حاجة وحشة وتديني الأمل في كل حاجة حلوة محتاجلك قوي .. محتاجلك قوي ... محتاجلك قوي
|
