اجمل كلمة فى الكون لما بسمعها منها

النهاردة كانت لكنتها وصوتها وطريقتها ومعادها حسسونى إن فى حاجة غلط

من اول ما سمعتها

سكت ....

مستنى كلمة " بس "

" بحبك ... بس .... "

ولحد دلوقتى قاعد مستنى بس ....

عاوز أعرف إيه اللى بعد بس

يا ترى بعد بس هلاقى بس ولا هلاقى كمل ...

الله أعلم ....

كل اللى بتمناه إنها ما تقراش كلامى ده قبل ما تقول اللى بعد بس ... عشان كلامي ما يأثرش عليها

قالتلى بحبك ... وبحبك قوى ... وأعرف مهما حصل إنى بحبك قوى

وانا كان نفسى أردهالها مليون بحبك قوى مهما حصل ...

بس عشان أديها مساحتها الكاملة للكلام والتفكير ما رضيتش أقولها

وأدينى مستنى اللى بعد بس ...