|
مممممممممممممممم دنيا فعلاً غريبة ... أعتقد ان الفشل والنجاح مربوطين بنسبة أهمية بتختلف عند واحد والتانى , عند شخص والتانى وجهات النظر اللى بيبص بيها الانسان عشان يحدد اللى قدامه فاشل ولا ناجح ... يعنى كمثال بسيط ... شاب ناجح فى دراسته .... جيد جداً بإستمرار وفاضله تيرم ويخلص شاب ناجح فى شغله .... شغال فى مجال جديد وصعب جداً وتعب قوى على ما وصل إنه يبقى حاجة فيه ... شبه بيأسس فى شركته الخاصة وشغله لحساب نفسه , وشبه شريك فى شركة كبيرة ومحترمة .... ونفس الشاب ليه علاقات ما تنتهيش وما تقفش عند حد من الاصحاب ولاد وبنات " وماحدش بيشوفه إلا لما يقتنع بيه " شاب حياته شغله ومن شغله لدراسته لحبة مع تطوير نفسه عشان يعلى اكتر فى شغله ويوصل اكتر فى شغله .... يعنى حياته مشغولة بشغله والدراسة وتطوير قدراته وإمكانياته فى شغله بنسبة 75 % وسايب 25 % لعلاقاته وحياته الطبيعية اللى المفروض البنى آدمين بيعيشوها .... واهو كل اللى بيشوفه بيفتكروا أنجح إنسان فى الدنيا , واكتر غنساس عايش الحياة زى الفل ومقضيها 100 % ... وحتى قليل قوى اللى بيلاحظ انه شخص بيشتغل ومش اى شغل , شغل كبير ومسئول قوى زى ده بيبقى صدمة بالنسبة للى بيعرف .... نفس الشاب ده دلوقتى لسه مثبت لنفسه ولحبيبته اللى هى كل الكون بالنسبة له , إنه أفشل شاب ممكن يكون فى إرتباط معاها ... زى ما بيقولوا دى الضريبة الجميلة للحياة الناجحة اللذيذة اللى الناس كلها بتحسده عليها وكل اللى يعرفه بيفتخر انه يعرف إنسان ناجح زيه وهو حالياً فى وجهة نظري أفشل شاب فى الدنيا .... إنسان ما عرفش بنى آدم واحد يستحمله :D زى المبدأ اللى بيقول " الفكرة فى الإرتباط إنك تثبت إن فى إنسان واحد على الاقل يقدر يستحملك " اهو ما قدرش يثبت ان فى إنسان واحد ع الاقل يقدر يستحمله فى رأيي مهما كان ناجح وشهادات نجاحه النظرى مالية إدراجه وشهادات التقدير والخبرة متعلقة على حيطانه وأعماله وشغله مالية حياته ومخلياه حاسس انه ناجح جداً ....هو أفشل شاب فى الكون ده ممكن يكون بيعمل حاجات اصعب من كدة بكتير جداً ... وكل اللى كان مطلوب منه حاجات بسيطة جداً جداً , يا دوب مكالمة على كام ماسيج على مقابلتين تلاتة...
|
